10.1.2012 Fadeuer - mit Margi

Ds hütige "Zischtigsclub" Ziu isch gsi: Furna unsicher mache und so hei mer, wärs gloubt, z füfzähte höch im Tazzelwurm dr Fädöier a gstüret.
Zwöi nöii si der bi gsy u wöus du ä Diskussion gä het, ob dr Prättigouer Dialekt no a Chance hett, schribe i jetzt haut uf Bärndütsch.
Mier si du nid ganz bis uf dr Gipfu cho, dr Wind u dr Näbu het üs zwunge umzchere, aber derfür hei mer a tolli Pulverschneeabfahrt kha, die unberührte Häng hei nächhär wie g'muscheret usgseh.
So guet hets üsere paar gfaue, dass mer no einisch ufegange si, u witeri unberührti Häng gfunde hei.
Danke Margi für die guti Idee trotz em nid ideale Wätter, öppis dusse zundernäh
Ruth

Login